गडचिरोली पोलीस दलाच्या वतीने कारमेल हायस्कुल, गडचिरोली येथे ‘सायबर जनजागृती कार्यशाळा

. पोलीस अधीक्षक श्री. नीलोत्पल यांच्या उपस्थितीत विद्यार्थांना देण्यात आले सायबर जनजागृतीचे धडे

. केंद्रीय गृह मंत्रालयाच्या ‘सायबर जनजागृती माह’ उपक्रमाअंतर्गत ऑक्टोंबर 2025 या संपूर्ण महिन्यांत विविध सायबर जनजागृती कार्यक्रमांचे आयोजन

गडचिरोली : दिवसेंदिवस सायबर अपराधांचे तसेच इंटरनेट व समाज माध्यमांद्वारे फसवणुकीचे प्रमाण मोठ्या प्रमाणावर वाढत आहे. याला आळा घालण्यासाठी केंद्रीय गृह मंत्रालय आणि I4C (Indian Cyber Crime Coordination Centre) यांच्या मार्गदर्शनाखाली, ऑक्टोबर 2025 हा महिना ‘सायबर जनजागृती महिना’ म्हणून संपूर्ण देशभरातील सर्व जिल्ह्रामध्ये साजरा करण्यात येत आहे. याच उपक्रमांचा एक भाग म्हणून पोलीस अधीक्षक गडचिरोली श्री. नीलोत्पल यांच्या उपस्थितीत आज 12 ऑक्टोंबर 2025 रोजी कारमेल हायस्कुल, गडचिरोली येथे ‘सायबर जनजागृती कार्यशाळेचे’ आयोजन गडचिरोली पोलीस दलाच्या वतीने करण्यात आले.

सदर सायबर जनजागृती कार्यशाळे दरम्यान उपस्थित 8 व्या ते 10 व्या वर्गाच्या 250 विद्यार्थांना सायबर गुन्ह्रांचे प्रकार, विविध ऑनलाईन फ्रॉड, सायबर सुरक्षिततेसाठी उपाय तसेच सोशल मिडीयाचा वापर या संदर्भात मार्गदर्शन करण्यात आले. तसेच विविध व्हिडीओच्या माध्यमातून विद्यार्थांना ओटीपी शेयर न करणे, अनोळखी लिंकवर क्लिक न करणे तसेच सायबर गुन्हा झाल्यास 1930/1945 या क्रमांकावर किंवा www.cybercrime.gov.in  या वेबसाईटवर तक्रार करण्याविषयी माहिती देण्यात आली. या जनजागृती कार्यशाळेचा मुख्य उद्देश विद्यार्थांमध्ये सायबर सुरक्षा, सायबर फसवणूक प्रतिबंध आणि डिजिटल साधनांचा सुरक्षित वापर याबाबत जागरूकता निर्माण करणे हा आहे. यावेळी उपस्थित विद्यार्थांना मार्गदर्शन करतांना पोलीस अधीक्षक श्री. नीलोत्पल यांनी सांगितले की, ‘आजच्या डिजीटल युगामध्ये मोबाईल, इंटरनेट, ऑनलाईन व्यवहार हे आपल्या दैनंदिन जीवनाचा भाग बनले आहेत. मात्र या माध्यमातून होणारी आर्थिक फसवणुक, माहिती चोरी, हॅकिंग यासारख्या घटना विषयी आपण सतर्क राहिले पाहिजे, यापासून सुरक्षित राहण्यासाठी 1930 व 1945 हे गोल्डन नंबर आहेत. तसेच सर्व विद्याथ्र्यांनी दिवसभरातून एक तासापेक्षा अधीक वेळ मोबाईलचा वापर न करता आपल्या अभ्यासावर लक्ष केंद्रीत करावे.’ वाढत्या डिजिटल व्यवहारांमुळे सायबर गुन्ह्रांचे प्रमाण देखील वाढत असून, प्रत्येक नागरिकाने सतर्क राहून स्वतःची माहिती सुरक्षित ठेवणे अत्यंत आवश्यक आहे. या दृष्टीने जनजागृती करण्यासाठी दिनांक 12 ऑक्टोंबर 2025 रोजी गडचिरोली पोलीस दलाच्या वतीने सायबर जनजागृती सायकल रॉलीचे आयोजन करण्यात आले होते. यासोबतच या जनजागृती महिन्यात गडचिरोली पोलीस दलाच्या वतीने पोलीस मुख्यालय तसेच सर्व पोस्टे/उपपोस्टे/पोमकें येथे विद्यार्थी व नागरिकांसाठी विविध जनजागृती कार्यक्रम, कार्यशाळा, शाळा-महाविद्यालयांमधील जनजागृती मोहिम, ऑनलाईन वेबिनार्स तसेच सोशल मिडियावरील प्रचार मोहीम राबविण्यात आली.

या कार्यशाळेप्रसंगी अपर पोलीस अधीक्षक (प्रशासन) श्री. गोकुल राज जी., उपविभागीय पोलीस अधिकारी गडचिरोली श्री. सुरज जगताप, पोस्टे गडचिरोलीचे प्रभारी अधिकारी पोनि श्री. विनोद चव्हाण, स्थागुशा गडचिरोलीचे पोनि श्री. अरूण फेगडे, कारमेल हायस्कुलचे मुख्याध्यापक फादर मेलजो चेरीयन, उप मुख्याध्यापक फादर जॉर्ज वर्गीस हे उपस्थित होते.

सदर उपक्रमाच्या यशस्वीतेसाठी स्थानिक गुन्हे शाखा गडचिरोलीचे पोनि. अरुण फेगडे, मपोउपनि सरीता मरकाम, सायबर पोलीस स्टेशनच्या मपोउपनि. नेहा हांडे तसेच अंमलदार आदींनी सहकार्य केले.

#www.cybercrime.gov.in

#gadchiroli police 

#(Indian Cyber Crime Coordination Centre)